قواعد (اردو قواعد)
قواعد : قاعدہ کی جمع قواعد ہے- کسی زبان کو صحیح بولنےاور لکھنے کے طور طریقے اور اصول و قاعدہ کو قواعد کہا جاتا ہے-
- اردو قواعد کو پانچ حصوں میں تقسیم کیا جاتا ہے
(1) علم ہجّا
(2) علم صرف
(3) علم نحو
(4) علم بلاغت
(5)علم عروض
علم ہجّا: اردو قواعد کا وہ حصہ ہے جس میں حروف تہجی کے متعلق معلومات فراہم کرائی جاتی ہے- حروف کے حرکات، سکنات، مخرج اور اعراب وغیرہ کی جانکاری شامل ہوتی ہے۔
علم صرف: وہ علم ہے جس میں لفظوں کی ساخت اور اس کے الٹ پھیر اور حرکتوں کی تبدیلوں کے طریقے کی جانکاری ہوتی ہے-
علم نحو: وہ علم ہے جس سے اجزائے کلام کو ترتیب دینے اور جدا جدا کرنے کا طریقہ معلوم ہوتا ہے- اور کلمات کے ربط اور باہمی تعلق کے حال سے واقفیت ہوتی ہے۔
علم بلاغت: وہ علم ہے جس میں جملوں کی لفظی اور معنوی خوبیاں بیان کی جاتی ہے۔
علم عروض: وہ علم ہے جس میں اشعار کہنے کا طریقہ اور اشعار کو پرکھنے کا شعور، موزوں اور نا موزوں کلام کا فرق واضح کیا جاتا ہے۔
Comments
Post a Comment